Saopštenje za javnost
U okviru svog programa rada, Savez slijepih Crne Gore obilježio je Međunarodni dan slijepih „Bijeli štap“, masovnim manifestaconim okupljanjem članstva u Risnu 12. i 13. oktobra 2012. godine.
I naša organizacija, Orgnizacija slijepih za B. Polje i Mojkovac, kao i prethodnih godina, aktivno je učestvovala u planiranoj manifestaciji. Naši članovi, njih 15, zajedno sa ostalim članovima drugih područnih jedinica, kao i 3 člana iz bjelopoljske organizacije civilnih invalida rata, bili su na svečanoj večeri, zabavi i druženju u hotelu „Teuta“ u Risnu, gdje su inače, i odsjeli, a koje ih je, vrlo ljubazno osoblje ovog reprezentativnog hotela, ugostilo.
Međunarodni dan bijelog štapa obilježava se svake godine 15. oktobra od 1964, kada je Lyndon Johnson, tadašnji predsjednik Sjedinjenih Američkih Država taj dan proglasio Danom bijelog štapa.
Ovaj datum je vezan za tragični događaj, kada je, stradao slijepi francuski državljanin. što je bio povod da se svuda u civilizovanom svijetu taj dan obilježava svake godine.
„Bijeli štap“ je simbol sljepoće i pomagalo za samostalno kretanje.
Svojom simbolikom i nedvosmislenim porukama, ovaj Dan znači mnogo više. Podsjeća na probleme sliepih i ukazuje na njihovu urgentnost, koja je svojevrstan apel i traženje da se javnost upozna, a društvo obaveže, da sliepe treba prihvatiti kao ravnopravne članove zajednice, sa svim građanskim pravima i ljudskim slobodama, oslobođene od svake diskriminacije i marginalizacije, kaže se, pored ostalog u Proglasu Saveza slijepih C. Gore.
Slijpi ne dozvoljavaju da ih bilo ko hendikepira svojim nerazumijevanjem i predrasudama. Nadalje, slijepi ne traže više nego što im pripada i ne žele ništa nerealno. Hoće samo da se obrazuju, rade, imaju pomagala i društvene aktivnosti i, samo do granice nužnog, pozitivno-pravnu diskriminaciju. Ovo je ujedno i osnovna poruka osoba sa senzornim oštećenjem.
